Baiona-Tolosa partidarako sarrera guztiak agortu dira

ERRUGBIA. Beste behin bete egingo da Anoeta estadioa errugbi partida bat ikusteko. Baionak eta Tolosak larunbatean Donostian jokatuko dute ligako partida, eta atzo 17:15ean amaitu ziren sarrera guztiak. Internet bidez eta klubaren bidez saldu dira sarrerarik gehienak, eta atzo hamabost minuturen bueltan agortu ziren salgai jarritako 58 sarrerak.