Barriolak bolada onari eutsi nahi dio Hondarribian

PILOTA. Abel Barriolak 18. partida irabazi nahi du jarraian gaur, Hondarribian (Gipuzkoa). Leitzako atzelariak Titin III.a izango du bikotekide, eta Irujo eta Beroiz kontrario (17:30, Nitro). Urdulizen (Bizkaia), berriz, Xala-Ladis Galarza eta Gonzalez-Pascual izango dira aurrez aurre (17:00); Vianan (Nafarroa), Olaizola I.a-Ruiz eta Saralegi-Begino (19:00), eta Galdakaon (Bizkaia), Berasaluze VIII.a-Ibai Zabala eta Bengoetxea VI.a-Beloki (22:00).