Abel Barriola oso bolada txarrean murgilduta dago. Gihar bikiko zuntz haustura baten erruz binakako txapelketako etziko finaletik kanpo gelditu ondoren, aurki ebakuntza gelatik pasatu beharko du ezkerreko eskumuturreko lesioa sendatzeko.
Eskafoideseko lotailua hautsita du, eta ebakuntza bidez lotu beharko diote. Osatze epea lau hilabete ingurukoa izan daiteke; beraz, ezingo du buruz buruko txapelketa jokatu -manomanista hurrengo asteko asteburuan hasiko da-.
