SASKIBALOIA. Baskoniak galdu egin du Bayernen aurka 68-76, Euroligako hirugarren jardunaldian. Joan Peñarroyaren jokalariek ez zuten gau onena izan, eta eskuetatik alde egin zien partidak azken laurdenean. Horrela, bigarren porrota du Gasteizko taldeak.
Partida parekatua izan zen hasieratik bukaerara. Lehen zatian, talde bakoitzak bere kartak erakutsi zituen, baina ez zen inor bereziki gailendu. Atsedenera, 42-41 joan ziren, etxekoen alde. Bigarren zatia ere antzekoa izan zen, Baskoniak partidari aurre hartu arren. Baina bukaeran, partida osoko lana pikutara joan zitzaion etxeko taldeari. Azken minutuetan hainbat hutsegite egin eta Bayernek erraz eraman zuen partida.
Hurrengo partida, bihar izango dute, Zalgirisen aurka (20:30 Movistar). Gasteizko taldeak hirugarren garaipena lortzeko aukera izango du zaleen aurrean, Buesa Arenan.
Bestalde, Bilbo Basketek gaur jokatuko du Europa Kopako lehen partida, Anwil Wloclawek taldearen aurka.
Baskoniak galdu egin du Bayernen aurka (68-76)
Iruzkinak
Ez dago iruzkinik
Ordenatu
