Manuel Bellettik (Colnago) irabazi du gaur 93. Italiako Giroko 13. etapa -Porto Recanati-Cesenatico, 223 kilometro- ihesaldi baten ostean esprintean azkarrena izan baita. Bigarren Greg Henderson (Team Sky) iritsi da, eta hirugarren Iban Maioz (Footon). Tropela 7 minutu eta 26 segundura iritsi da.
Ihesaldia 62. kilometroan abiatu da. Azken kilometroak ikusgarriak izan dira, iheslariek eraso asko egin baitituzte garaipenaren bila. Helmugatik berrehun bat metrora Belletti indar biziz atera da eta ezin izan dio inork aurre hartu. Etapa garaipena lortu eta gero negarrez hasi da. Helmugatik kilometro gutxira jaio zen, Marco Pantani bezala -omenaldi gisa, honen sorterrian amaitu da gaurko etapa-.
Richie Portek segitzen du lider. David Arroyo dago bigarren, 1.42ra.
Bihar korrituko dute 14. etapa: Ferrara-Asolo (205 kilometro). Lehen mailako mendate bat izango dute: Grappa, 164. kilometroan
Hilaren 30ean amaituko da Giroa, Veronan, 15,3 kilometroko erlojupekoarekin.
txirrindularitza
Belletti irabazle Giroan
Iban Maioz hirugarren sailkatu da.
Iruzkinak
Ez dago iruzkinik
Ordenatu
