Bengoetxea VI.a-Begino, sanferminetako finalera

PILOTA. Bengoetxea VI.ak eta Beginok 22-18 irabazi zieten herenegun Olaizola II.ari eta Apraizi, eta bihar jokatuko den sanferminetako torneoko finalerako sailkatu ziren. Gaur (22:15, ETB1), ehun ardo kaxen desafioa jokatuko da, lau t'erdiko, binakako eta buruz buruko partida banarekin. Azken horretan, Urrutikoetxea eta Ezkurdia ariko dira, eta pasako marra seigarren koadroan egongo da.