Bertan behera utzi dituzte Euskadiko Txapelketak

Euskadiko Herri Kirol Federazioaren Zuzendari Batzordeak ekainaren 25eko bileran aho batez erabaki zuen, osasun arrazoiak eta ekonomikoak direla medio, lehen, bigarren eta hirugarren mailetako Euskadiko Txapelketak bertan behera uztea. Hiru arrazoi aipatu ditu: udalek duten ziurgabetasun ekonomikoa, eta jaiak bertan behera utzita kanpoko diru laguntzarik gabe (udalak eta beste batzuk) edo sarreren salmentarekin behar besteko diru sarrerarik lortu gabe antolatzearen ezintasunak; eta guztien gainetik,COVID-19aren pandemiak eragindako osasun egoeraren ziurtasun gabeziak, aurretik sumatu ezinezkoa eta bilakaera aldakorrekoa. Hori guztia kontutan hartuta, txapelketek beraiekin dituzten zortzi proben antolakuntza normala bermatzea ezinezkoa dela ikusi du federazioak. Haren iritziz, ekitaldi guztiak ez egiteak, alde batetik, mailen arteko igoera eta jaitsieretarako kaltea sortuko luke, eta, bestalde, kontratatutako egurraren jasanezinezko kalte ekonomikoa.