BESTE SUSTO HANDI BAT

Tentsio uneak izan ziren herenegun, Alacanteko Rico Perez estadioan. Herculesen eta Realaren arteko partidako bigarren zatia hastear zela, baloi jasotzaile bat zorabiatu egin zen, eta ziplo erori lurrera. Zorionez, Gurutze Gorriko sorosleek azkar suspertu zuten, eta ospitalera eraman. Arriskutik kanpo dago jada. Orain hiru aste Miguel Garcia Salamancako jokalariak bihotzekoa izan zuen Betisen aurkako partidan, eta medikuek bizitza salbatu zioten.