Bilbo Basketek bihar aurkeztuko du Mumbru

SASKIBALOIA. Alex Mumbruk bihar jantziko du lehen aldiz Bilbo Basketen elastikoa, bere aurkezpenean. 30 urteko hegaleko kataluniarrak hiru denboraldirako kontratua sinatu du. Bere fitxaketarekin, jauzia egin du Bilbo Basketek, kalitate handiko jokalaria baita Mumbru, baita eskarmentu handikoa ere (361 partida ACB ligan). Iragan sasoian 11 puntu sartu zituen partidako.