Bilbo Basketek irabaziz ekin dio Europa kopari

SASKIBALOIA. Bilbo Basketek bikain ekin dio Europa kopari. Lehiaketako azken txapeldunari, Poloniako Anwil Wroclaweki, irabazi zion atzo, haren kantxan: 79-83. Lehia estua izan zen, eta etxeko taldea aurretik zen hamar segundoren faltan (79-78), baina bizkaitarrek bost puntu sartu zituzten jarraian, eta garaipena lortu zuten.

Gaur, Baskoniak Euroligako laugarren jardunaldia jokatuko du. Herenegun egin bezala, etxean ariko da, Zalgirisen aurka (20:30, Movistar Plus). Arabarrek, ordea, ez dute aurreko partidakoa gertatzea: galdu egin zuten Bayern Munichen aurka. Baina Zalgiris arerio bihurria da: bi partida irabazi ditu, eta bat galdu; azkena,Real Madrilen kantxan.

Gernikak, berriz, lehen partida jokatuko du Eurokopan, Malosten, Lattes Montpellierren aurka (20:30, ETB4). Bizkaitarrek duela astebete jokatu behar zuten, Israelen, baina bertan behera geratu zen lehia. Montpellierrek jokatu egin zuen, eta Zaglebie Sosnowieci irabazi zion.