Buffon: "Gure herriari beste hilabete epiko bat oparitu diezaiokegu"

LABURRAK

- Kazetariek ezin ikusi Brasilen entrenamendua. Gozoak daude Brasilgo kazetariak, argazkilariak eta kameralariak Dunga hautatzailearekin. Izan ere, honek berriz ere selekzioaren entrenamendura sartzeko baimenik ez die eman. Azkeneko lau saioetatik hirutan gertatu da. "Aukera tekniko hori zilegi da", esan du ohar batean Brasilgo Futbol Federazioak. Dunga haserre dago hainbat hedabiderekin, taldearen jokoa gehiegi kritikatzen dutelakoan.

=b- 'Yes, we can', diote AEBetako jokalariek.=b Berdinketa garrantzitsua lortu zuten AEBek Ingalaterraren aurka, eta euren herrialdeko gobernuko presidente Barack Obamak hauteskunde kanpainan erabilitako leloarekin dabiltza jokalariak: "Yes, we can" ("Bai, ahal dugun").

ESANAK

- bGianluigi Buffon (Italiako jokalaria). "Gure herriari beste hilabete epiko bat oparitu diezaiokegu".

=b- Samuel Eto'o (Kamerungo jokalaria).=b "Kamerunek mundiala irabaz dezake".

- Cristiano Ronaldo (Portugalgo jokalaria). "Munduko Kopan espero dut orain arteko neure onena ematea".

- Raymond Domenech (Frantziako hautatzailea). "Uruaguairen aurka berdindu egin genuen arren, ez dut bururik moztuko".

- Fernando Hierro (Espainiako Federazioko kirol zuzendaria). "Eurokopa irabazi izanak denon mentalitatea aldatu zuen".

- Oliver Bierhoff (Alemaniako manager orokorra). "Benetako ordua iritsi da Alemaniarentzat ere. Talde honek sekula ahala dauka".

- David Cameron (Erresuma Batuko lehen ministroa). "Capello [Ingalaterrako hautatzailea] da orain herrialdeko pertsonarik inportanteena".

DATUAK

- Lehen atezain aldaketa, Ingalaterran. Robert Green Ingalaterrako atezainak sekulako hutsa egin zuen AEBen aurka -banakoa egin zieten-, eta Fabio Capello hautatzaileak titular beste bat jarriko du hurrengo partidan: David James edo Joe Hart. Selekzio gehienek ez dute oraindik debuta egin Munduko Kopan, eta Ingalaterra ja atezaina aldatzen.