Joaquin Caparros Athletic futbol taldeko entrenatzaileak bihar taldeak Betisen aurka jokatuko duen Liga partidarako deialditik kanpo utzi ditu balizko zazpi jokalari. Erabaki hori asteazkenean Athletic-ek eta Bartzelonak jokatuko duten Espainiako Kopako finalari begira hartu du, "taldea ahalik eta freskoen egotea" nahi duelako. "Finala irabazteko ezinbestekoa da jendea fresko izatea", entrenatzaileak azaldu duenez.
Bestalde, Kopako finalari begira datorren astelehenetik aurrera Bilboko udalak Koparen bila! Bilbon goza ezazu lelopean 15.000 kartel banatuko dituela jakinarazi du. Kartel horiek Bilboko turismo bulegoetan eta Udaleko herritarren arreta bulegoan eskuratu ahal izango dira, besteak beste.
La Casilla eraikinaren barrualdean eta kanpoaldean tamaina handiko pantailak ezarriko dituzte, zaletuek finala jarrai dezaten. Eraikin horretan bertan kontzertuak, kirol jarduerak eta haurrentzako ekimenak gauzatuko dituzte partidaren aurreko orduetan.
BBVAk ere finalerako prestatzen ari diren ekimenetan parte hartu nahi izan du eta El Arenal parkean bi pantaila handi jarriko ditu.
Kirola
Caparrosek Espainiako Kopako finalerako "taldea ahalik eta freskoen egotea" nahi du
Iruzkinak
Ez dago iruzkinik
Ordenatu
