Cazauxek bi urterako sinatu du Euskaltelekin

TXIRRINDULARITZA. Pierre Cazaux txirrindulari donapaleutarrak bi sasoirako kontratua sinatu du Euskaltel-Euskadirekin. Cazauxek 26 urte ditu, eta orain bi urte egin zuen debuta profesionaletan, Roubaix-Lille Metropole taldearekin. Aurten Francaise des Jeuxen aritu da. Bestalde, taldean ari den Ipar Euskal Herriko beste txirrindulariak, Romain Sicard hazpandarrak, lau urterako berritu du.