Chavanelentzat bigarren etapa eta lidergoa

Sylvain Chavanelek irabazi du Brusela eta Spa artean jokatu den Frantziako Tourreko 238 kilometroko bigarren etapa, eta lidergoa ere eskuratu du. Euriak, ihesaldi batek eta erorketek baldintzatu dute ibilbidea. Hamar lagun inguruko taldetxo bat izan da kilometro askotan lasterketa buru, eta gaur ere erorketak medio tropel nagusia sakabanatu egin da zenbait kilometrotan. Tropela bat egin artean mantsotu egin da lasterketa eta ihesean zihoazen txirrindulariek probestu dute aukera. Horien artean zen Chavanel.

Bihar izango da hirugarren etapa: Wanze-Arenberg Porte du Hainaut (213 kilometro).

Hilaren 25ean amaituko da Tourra, Parisen.

Sailkapenak

2. etapa:

- 1. Sylvain Chavanel (Quick Step) 4.40:48.

- 2. Maxime Bouet (AG2R) 3:56ra.

- 3. Fabian Wegmann (Milram) d.b.

- 4. Robbie McEwen (Katusha) d.b.

- 5. Christian Knees (Milram) d.b.

Sailkapen nagusia:

- 1. Sylvain Chavanel (Quick Step) 10.02:25.

- 2. Fabian Cancellara (Saxo Bank 2:57ra.

- 3. Tony Martin (HTC Columbia) 3:07ra.

- 4. David Millar (Garmin Transitions) 3:17ra.

- 5. Lance Armstrong (Radioshack) 3:19ra.

Orain arteko etapak

- Aitzin-etapa: Rotterdam-Rotterdam. Irabazlea: Fabian Cancellara. Liderra: Fabian Cancellara.

- 1. etapa: Rotterdam-Brusela. Irabazlea: Alessandro Petacchi. Liderra: Fabian Cancellara.

- 2. etapa: Brusela-Spa. Irabazlea: Sylvain Chavanel. Liderra: Sylvain Chavanel.