CSCk Armstrongen taldekide izan dena fitxatu du bi urterako

CSC taldeak David Zabriskie txirrindulari estatubatuarra fitxatu du bi urterako. Zabriskie Espainiako Vueltan etapa bat irabazi zuelako egin zen ezagun, baina morrontza lanean ere ez da makala, nonbait. Azken urteetan US Postal taldean aritu da jardun horretan, Lance Armstrongen mesedetan. CSCko Bjarne Riis kirol zuzendari danimarkarra fitxaketa onak egiten ari da hurrengo urtean koska bat igotzeko helburuarekin.