Dario Gomezek buruz buru jokatzeko dohainak ditu. Hori erakutsi du gaur ere Ezcarayn (Errioxa), Buruz Buruko Txapelketako lehen kanporaketan: aise kanporatu du Aitor Aranguren (22-6).
Hasieran, partida parekatuagoa izango zela zirudien. Dariok dominatu du jokua, baina defentsa lanetan fin aritu da Aginagakoa. Azken tantoa, ordea, 8-6 zihoazela egin du. Hortik amaierara artekoak jarraian egin ditu Dariok, Arangurenen etsipenerako.
