Di Luca absolbitu egin dute dopin akusaziotik

Italiako Olinpiar Batzordeak (CONI) dopin akusaziotik absolbitu egin du gaur Danilo Di Luca txirrindularia. CONIko Fiskaltzak bi urteko suspentsio eskaera egin zuen haren kontra, 2007ko Giroko 17. etaparen ondoren egindako kontrolean dopina hartu zuela frogatu zelakoan. Giro hura irabazi egin zuen Di Lucak.

Federico Cecconi defentsa abokatuak adierazi du Di Lucak "oso kostu handia" pairatu behar izan duela prozesuagatik. Renato di Rocco Italiako Txirrindularitza Federazioko presidentea "kontent" azaldu da erabakiagatik.