Elordik 2025era arte berritu du Asperekin

Lan bikainaren saria jaso du Aitor Elordik: beste bi urterako berritu du kontratua Asperekin, 2025era arte. «Oso pozik nago Fernando Bidartek [Aspeko burua] nigan jarri duen konfiantzarengatik. Orain, niri dagokit Aspek emango dizkidan aukera berriei etekina ateratzea», esan du buruz buruko eta binakako txapeldunak. Ostiralean ariko da aurrenekoz txapeldunaren elastiko gorriarekin, etxean, Mallabian (Bizkaia).