Andre Greipel
Lotto-Belisol«Cavendish ongi egotea espero dut, berriz ere bere aurka lehiatu nahi baitut esprintean. Taldekideei eskerrak eman nahi dizkiet egin duten lanagatik. Tourrerako nuen helburua bete dut jada, eta oso pozik nago».
Samuel Sanchez
Euskaltel-Euskadi«Izugarria da nire taldekideek egin duten lana, eta asko eskertzen diet. Ez sinesteko moduan eraman naute tropelaren aurreko aldean. Egunak pasa ahala gero eta hobeto gaude, eta ilusio handia daukagu mendiko etapetarako».
Mark Cavendish
Sky«Medikuak botika bat eman dit, kolpeak arintzeko-edo. Ez daukat inolako hautsirik, baina erorikoa latza izan da, eta orain errekuperatzea espero dut. Greipel zoriontzea besterik ez zait tokatzen».
Oscar Freire
Katuxa«Ez naiz ongi sentitu, eta nahiago izan dut esprinteko lehiatik kanpo geratu, erorikoak saihesteko. Herenegun gertatu zen erorikoaren errua niri bota didate askok, baina ez diet kasurik egiten. Maite ez nauen jendearen kontuak dira».
