ERREMINTA . Fusto ostegunean hasiko da jokatzen

Durangoko Ezkurdi frontoian aurkeztu zuen, atzo, Eusko Basquek Pablo Hernan Fusto palista argentinarra. 22 urte, 1,89 metro eta 92 kiloko gizasemea da Fusto eta 2006ko ekainera arte sinatu du kontratua Eusko Basquerekin. Haren gaztetasuna eta kalitatea ikusita tamainako apustua egin dutela nabarmendu zuen Totorikak, eta denborarekin palista onena izatea espero duela. Paletatik palara ohitu beharko du horretarako. «Ez dut uste arazorik izango dudanik. Nire ibilbidean beste urrats bat da, eta nire bizitzan, aldaketa handia», onartu zuen Fustok berak.