Top 8ko lehen partida jokatu zuten, Stade Françaisek eta Miarritzek, bart, Jean-Bouin zelaian. Lehen zatian Pariskoek ukan zuten jokoaren gidaritza eta denbora gehiago igaro zuten Miarritzeren zelaian. Lapurtarrek, aitzitik, defentsa lan ona burutu zuten. Eskas ugari izan zen, eta horietan hobeto moldatu ziren etxekoak. Gainera, uztartzeetan nahi baino gehiago sufritu zuen Miarritzek. Lapurtarrek bakarkako jokaldi bat edo beste aipagarri egin zuten, eta atsedenaldira 6-0 heldu zen Stade aitzinetik.
Stadek hobeto amaitu zuen norgehiagoka
Bigarren zatian 6-3 hurbildu ziren miarriztarrak markagailuan Brusqueren drop-arekin, eta zerbait lortzeko itxaropena eman zien, baina hainbat baloi irbazi ondoan ez zituzten baliatu, gero txartela atera zioten Couzineti, falta batzuk egin zituzten, eta ezin izan zuten Stade mendean hartu. Gainera, frantziarrek hobeto amaitu zuten norgehiagoka. Amaieran, beraz, 13-6 Stade Français nagusi.
Miarritzek laugarren partida galdu zuen jarraian, Tolosa (bi tan) eta Montpellierren aurka galdu ondoan. Stadek, aldiz, bosgarren garaipena erdietsi zuen jarraian. Uste zen Stade nekatuta izango zela, eta, agian, nabarituko zuela, baina ez zen hala gertatu. Lehia itxia izan zen atzokoa, baina frantziarrek beharrezko garaipena atxiki zuten.
Miarritzek Brive hartuko du larunbatean (17:30). Multzoko beste partida gaur jokatuko dute: Brive-Tolosa (15:10).
stade français 13
miarritze 6
Ikusleak: 12.000.
Atsedenaldian: 6-0.
Stade Français: Marconnet (Marchois, 75), August (Blin, 60), De Villiers; Auradou (kap.), James; Moni, Rabadan, R. Martin; Pichot, Skrela; Dominici, Liebenberg, Glas, Hernandez; Corleto.Miarritze: Balan, Gonzalez, Ormaetxea (Fitzgerald, 41); Manent (Nauroy, 74), Couzinet; Betsen, Lievremont, Tonita; Dupuy, Peyrelongue; Marlu, Lacroix, Bidabe, Bernat-Salles; Brusque (Gobelet, 80).
Markagailua.Stade Français: Entsegu bat, transformaketa bat eta bi zigor kolpe. Miarritze: Drop bat eta zigor kolpe bat. 3-0, 6-0, 6-3, 11-3, 13-3, 13-6.
Epailea: Jutge.
Txartelak: Miarritzeko Couzineti, horia (60. m.).
-
Puntuak eta jokaldiak
(24. min): Skrelak ez zuen zigor kolpe jaurtiketa asmatu.
(24. min): Dupuyek ez zuen zigor kolpe jaurtiketa asmatu.
(30. min): Miarritze Staderen entsegu lerrotik 5 metrora heldu zen, uztartze-laxoa eginda, zigor kolpea ukan zuen aurka.
(31. min): Stade Miarritzeren entsegu lerroraino heldu zen, eskasa irabazi ondoan, baina uztartzea Miarritzeren alde.
3-0 (34. min): Skrelak zigor kolpe jaurtiketa asmatu zuen.6-0 (38. min): Skrelak zigor kolpe jaurtiketa asmatu zuen.
(46. min): Dominicik jokaldi arriskutsua, baina Dupuyek atxiki zuen.
(51. min): Miarritzeren entsegu lerrotik 5 metrora eskasa irabazi Stadek, eta Skrelak ez zuen drop-a asmatu.
(66. min): Dupuyek ez zuen zigor kolpe jaurtiketa asmatu.
6-3 (71. min): Brusquek drop jaurtiketa asmatu zuen.
11-3 (76. min): Stadeko Liebenberg Miarritzeren entsegu lerroraino heldu zen. Pichotek baloia jaso zuen, Corleto sartu zen, horrek baloia Bergamascori eman, Glasekin konbinatu eta erdiak, Remy Martini egin zion azken pasea, 3. lerroak entsegua egin zezan hagen ondo-ondoan.
13-3: Transformaketa Skrelak.
13-6 (80. min): Dupuyek zigor kolpe jaurtiketa asmatu zuen.
