FIFA nazioarteko futbol federazioak Frantziako agintariei ohartarazi die bere eremuan ez duela esku hartze politikorik onartuko. Izan ere, Frantziako selekzioaren porrot handiak eztabaida handia piztu du, eta futbolaren arloa bera berrantolatzearen alde egin dute zenbait politikari eta agintarik. Areago, zenbaitzuk Jean-Pierre Escalettes Frantziako Federazioko presidentearen dimisioa eskatu dute.
"Frantzian gertatzen ari dena aztertzen ari gara egoera zail batera iritsi ez dadin. Kirol Ministerioari gogorarazi diogu gure sistemak nola funtzionatzen duen. Inork ezin du demokratikoki hautatutako norbaiten dimisioa eskatu, eta dimititzen badu, orduan FIFAren arauak jarraitu behar dira hura ordezkatzeko", agertu du Jerome Valcke idazkari nagusiak.
Frantziako selekzioa lehen fasean Munduko Kopatik kanpo geratu da, eta, horrez gain, iskanbila handiak izan dira jokalarien eta Domenech entrenatzailearen artean -Sarkozy presidenteak ere esk u hartu du liskar horrean-. Hortik abiatuta eztabaida handia piztu da futbol arloaren antolaketari buruz.
Liskarra
Esku-hartze politikorik ez duela nahi ohartarazi dio FIFAk Frantziari
Selekzioaren porrotaren harira sortu den eztabaidan Federazioko presidentearen dimisioa eskatu dute zenbait politikari eta agintarik.
Iruzkinak
Ez dago iruzkinik
Ordenatu
