Sanantontxu jaietako ohiko partidak jokatu ziren atzo Mungian (Bizkaia). Eugi-Elkorok irabazi zuten partida nagusia Titin III.a-Apeztegiaren kontra (22-13). Atzokoa zuen Eugik lehen partida Urteberri egunean min hartu zuenetik, baina sasoiko bueltatu da. Berak jarri zion jokoari erritmoa; bereak izan ziren tantorik onenak. Titinek azken txanpan bakarrik erreakzionatu zuen, eta Elkoro gehiago izan zen Apeztegia baino atzeko koadroetan.
Interesgarria izango zaizu
Nabarmenduak
