Biciclismo.com-ek aurreratu duenez, Euskaltel-Euskadik zazpi txirrindulari atzerritar fitxatuko ditu datorren denboraldirako. Hauek: Jure Kocjan (Team Type 1 taldekoa), Juan Jose Lobato (Andalucia), Ricardo Mestre (Carmin-Prio), Steffen Radochla (Team NSP-Ghost), Andre Schulze (Team NetApp), Alexender Sereibrakov (Team Type 1) eta Robert Vrecer (Vorarlberg).
Euskaltel-Euskadik, World Tourrean jarraitzeko eta, ondorioz, Frantziako itzulian-eta parte hartzeko, bere ziklisten ahal den puntu gehien behar ditu, eta politika aldatzea erabaki du. Kasu, txirrindulari moduan etxean egin gabeko atzerritarrak fitxatzen hasiko da.
Markel Irizar, Beñat Intxausti, David Lopez, Jonathan Castroviejo, Haimar Zubeldia, Iker Camaño eta Koldo Fernandez de Larrea Euskaltel-Euskadiko txirrindulari ohiek taldeak hartutako norabide berriari kritika egin zioten duela hilabete, idatzi baten bidez.
