Euskaltel-Euskadi txirrindularitza taldeko masajista Rufino Murgia hil zen atzo goizaldean, ostegunean izandako istripu baten ondorioz.
Joan den ostegunean taldeko autobusetako bat gidatzen ari zela izan zuen ezbeharra Murgiak Villalbillan (Espainia), eta larri zauritu zen. Taldeko hainbat material zeramatzan autobusean, Espainiako txapelketetan parte hartzeko. Ostegunaz geroztik Murgiak ez zuen hobera egin.
Kamioi batekin egin zuen talka autobusak. Polizia ikertzen ari da zer dela-eta gertatu zen istripua.
