Azysa torneoa, binakako erremonte txapelketa, gaur hasiko da Galarretan (16:00), Koteto Ezkurrak eta Patxi Olazarrek Jon Juaristiren eta Iñaki Lizasoren aurka jokatuko duten partidarekin. A multzoko sailkatze faseko lehen norgehiagoka izango da, eta ez du faborito garbirik. Bi bikoteak oso orekatuta daude, eta behin bakarrik jokatu dute elkarren aurka. Aurrekari hori duela hamazazpi egun jokatu zen, eta Juaristik eta Lizasok 40-34 irabazi zuten. Irabazleek gaur zortzi jokatuko dute bigarren partida, Urtasun eta San Miguelen aurka.
Bestalde, gaur ere buruz buruko munduko pala txapelketako partida jokatuko da Bilboko Club Deportivon (17:00). Imanol Ibañez faborito garbia izango da Mikel Aierberen aurkako kanporaketan. Eguneko jaialdi bitxia, berriz, Urruñan jokatuko da (17:30), Waltaryk eta Ezkurra II.a ezker paretan ikusteko aukera egongo baita. Buruz buruko trinketeko bi finalistak Ezkurra I.aren, Agirreren eta Lazkanoren aurka ariko dira.
Ezkurra eta Olazar Juaristiren eta Lizasoren aurka, Azysa torneoko lehen partidan
Imanol txapeldun ohia faborito garbia da gaur, Aierberen aurkako buruz buruko pala txapelketako lehian
Iruzkinak
Ez dago iruzkinik
Ordenatu
