Binakako finalean ez da faboritorik izango, ez behintzat apustuzaleentzat. Parean irtengo dira, eta ezustekoa da horI, finalisten arteko ligaxkako partidan Bengoetxeak eta Untoriak 22-9 irabazi zutelako. Dena den, partida gerturatu ahala litekeena da urdinen aldeko joera izatea.
Pilota aukeraketa gaur egin da, eta ez da arazorik egon. Berasaluze-Zubietak biziagoak aukeratu dituztem eta Bengoetxea VI.a-Untoriak motelxeagoak. Ez da eztabaidarik egon, Bengoetxea eta Untoriari aurkarien pilota bat "biziegia" iruditu zaien arren. Era berean Zubietak pilotakada on batzuk jo ditu, eta esan duenez eskuek hobera egin diote azken astean: "Ez ditut txapelketan bezain ondo, baina finalerdietako azken partidan baino hobeto. Hasi behintzat ondo hasiko dut partida", zehaztu du.
