Flandriako Tourra jokatuko da gaur, Cancellara eta Boonen gabe

Hiruna garaipenekin, denbora askoan Flandriako Tourra euren eginda eduki dute Fabian Cancellarak (Trek) eta Tom Boonenek (Etixx). Baina, erorketen eraginez, etxetik ikusi beharko dute biek sasoiko bigarren monumentua. Bi faborito nagusiak etxean direla, inoiz baino parekatuagoa espero da lehia. Brujastik Oudenaardera (264,9 kilometro), hemeretzi muino igo beharko dituzte txirrindulariek. Tiegemberg eta Berendries dira berritasunak.