Azkenaldian ezohikoa zaiona gertatu zaio Realari; gola egiteko aukerak pilatzen ari zenean, gola jaso. Hiru puntuak Donostiara eramateko merituak egiten ari zenean, partida galdu.
Realak minutu batzuk behar izan ditu Sevillaren presioa gainetik kentzeko, baina, apurka-apurka, jokoaren kontrola bere gain hartuz joan dira txuri-urdinak. Realeko aurrelariek, nolanahi ere, ez dute beste partida batzuetako espaziorik izan, eta ondo lotu dituzte Sevillako atzelariek Vela eta Griezmann. Bi taldeek bizpahiru aukera garbi izan arren, hutsean geratu da markagailua atsedenaldian.
Bigarren zatiari beste aldarte batekin ekin dio Realak, eta gertu izan du gola, besteak beste Griezmannen burukada baten bidez. Donostiarrak onenean zirela, Gameirok egin du etxekoentzat gola 77. minutuan, kontraerasoan.
Emaitza kaskarra eskuratuta, seigarren postuan jarraitzen du Realak; datorren sasoian Europan jokatzeko moduan, beraz. Hala ere, Athleticek ostiralean irabazita, donostiarrek zazpi puntura dute orain Txapeldunen Liga jokatzea ahalbidetzen duen laugarren postua.
Sailkapena:
1. R. Madril 64
2. Bartzelona 63
3. Atletico Madril 61
4. Athletic 50
5. Vila Real 44
6. Reala 43
12. Osasuna 29
