Gipuzkoa Basketek, aurpegi ona erakutsi izanagatik, ezin izan du Real Madrilen kalitatea garaitu (76-90). Zaleen aurrean galdu dute gipuzkoarrek, partida ia osoan zehar nagusi izan den taldearen aurka.
Indartsu abiatu dute partida Gipuzkoa Basketeko jokalariek, eta aurretik joan dira norgehiagokaren hasierako bost minutuean (14-9). Real Madrilek, ordea, azkar batean eman dio buelta markagailuari, 0-9ko partziala eginez. Hortik aurrera, nagusi izan dira madrildarrak partida osoan zehar. Une batez hurbildu dira gipuzkoarrak markagailuan (27-29), baina Real Madrilek, Llull eta Sergio Rodriguezen gaitasuna baliatuz (16 eta 19 puntu lortu dituzte, hurrenez hurren), erraz eskuratu du garaipena.
