Bradley Wiggins-ek (Sky taldea) irabazi du gaur 93. Italiako Giroko lehen etapa -8,4 kilometroko erlojupekoa- eta, ondorioz, lider jarri da. 10.18ko denbora egin du.
BMCko bi kide geratu dira ondoren, bi segundora biak: Brent Bookwalter eta Cadel Evans. Laugarren Alexandre Vinokurov (Astana) izan da -bost segundora-, bosgarren Greg Henderson (Sky) -bost segundora-.
Holandan jokatu dute lehendabiziko saioa: Amsterdamen. Bederatzigarren aldiz hasi da Italiatik kanpo Giroa.
Bihar korrituko dute bigarren etapa: Amsterdam-Utrecht (209 kilometro). Ibilbide laua izango dute. Lehen etapa garrantzitsua, asteazkenean: 32,5 kilometroko taldekako erlojupekoa.
Maiatzaren 30ean amaituko da proba, Veronan, 15,3 kilometroko erlojupekoarekin. Giroan zehar mendiko sei etapa egongo dira.
txirrindularitza
