Hainbat adibide:

• Lehiaketarako egunak ez dira zehazten emakumezkoen beharrak aintzat hartuta.

• Emakumezkoen lehiaketa askotan, ez da egoten eurentzat aldagelarik eta komunik.

• Erabakiak hartzeko organoetan ez dago parekotasunik.

• Bi sexuek ez daukate kalitatezko kirol eskaintza berbera.

• Emakumezkoen entrenatzaileek ordainsari txikiagoak jasotzen dituzte askotan.

• Emakumezkoen entrenatzaileek egoki prestatzeko aukera gutxiago izaten dituzte normalean.

• Emakumezkoen taldeek ez dute izaten askotan gizonezkoen pareko mediku zerbitzurik.

• Emakumezkoen partidak zuzentzen dituzten epaileek diru gutxiago jasotzen dute.

• Emakumezkoek ordutegi eta instalazio kaskarrenak izaten dituzte gehienetan.

• Emakumezkoen kirol arropa haien morfologia kontuan hartu gabe egiten dute ia beti.

• Emakumezkoak irudi gisa erabiltzen dira kirol askotan: txirrindularitzan, sari banaketetan, adibidez; pilotan, edariak banatzeko gunean; saskibaloian, animatzaile lanetan; 1 Formulan eta motoziklismoan, aterkiari eutsiz...

• Teknifikazio ikastaroetan, ez da sustatzen emakumezkoen partaidetzarik.

• Hizkuntzaren eta irudien erabilpen sexista egiten da sarritan.

• Komunikazioan, gizonezkoei, sistematikoki, protagonismo handiagoa ematen zaie.