Mercedes taldeak egun duen nagusitasuna erakutsi du txapelketako hirugarren sari nagusian, Shangain. Lewis Hamilton eta Nico Rosberg Alemaniako taldeko bi gidariak izan ziren azkarrenak entrenamenduetan, eta hasi bezala bukatu dute sari nagusia: lehen bi postuetan.
Ferrariko bi gidariak izan dira azkarrenak Mercedesekoen atzetik; Sebastian Vettel hirugarren eta Kimmi Raikkonen laugarren.
Hori horrela, sailkapen nagusian Vettelekiko zuen aldea handitu du Hamiltonek. Britainiarrak 68 puntu pilatu ditu orain arteko hiru sari nagusietan, eta 55 ditu alemaniarrak. Datorren asteburuan lehiatuko dira hurrengo sari nagusian, Bahreinen.
