Hegoafrika kanpoan geratzearen beldur

LABURRAK

- Hegoafrika kanpoan geratzearen beldur. Hegoafrikako selekzioa mundialetik kanpo dago ia, bi partidatan puntu bakarra eskuratu duelako, eta antolatzaileak beldur dira, hura kaleratzearen ondorioz herrialdean Munduko Koparekiko interesa jaitsi egin daitekeelakoan nabarmen. Zuma Hegoafrikako presidenteak berak herritarrei dei egin die selekzioa animatzen jarraitzeko. Mundialetan orain arte etxeko talderik ez da inoiz geratu lehen fasean aurrera egin barik.

- Mundiala, ile-apaintzaileen amu. Ez da Hegoafrika dirua soberan dagoen herrialde bat. Aitzitik. Horregatik, hango langileek irudimena erabili behar dute diru pixka bat irabazteko. Ilea-apaintzaileen kasua da. Haiek pagotxa topatu dute Munduko Kopan. Ez ziren asko orain arte telebista zuten ile apaindegiak, baina Munduko Kopa gerturatu ahala, ugaldu egin dira nabarmen. Ekimenak, gainera, arrakasta izan du. Bezeroak gustura daude, ilea mozten dieten bitartean Munduko Kopako partidak ikus ditzaketelako.

ESANAK

- Gonzalo Higuian (Argentinako jokalaria). "Real Madrilen bezala jokatzen dut selekzioan".

- Fabio Capello (Ingalaterrako hautatzailea). "Hau ez da nik ezagutzen dudan taldea".

- Rabah Saadane (Aljeriako hautatzailea). "Ondo, ez dugu galdu Ingalaterraren kontra. Baina berdinketa honek ez digu balio".

- Lukas Podolski (Alemaniako jokalaria). "Finala balitz bezala jokatuko dugu Ghanaren aurka".

- Angel Maria Villar (Espainiako Federazioko presidentea). "Gertatzen dena gertatzen dela, Del Bosquek segituko du hautatzaile".

DATUAK

- Messik egin ditu Argentinaren jaurtiketen %37. Argentinako selekzioak orain arte egin dituen jaurtiketen %37 Lionel Messik egin ditu. Hala ere, ez du golik sartu oraindik.

- FIFAk 2.600 milioi euro irabaziko ditu Munduko Koparekin. Heldu den urteko martxoan jakinaraziko du kopuru zehatza, baina atzo baieztatu zuen FIFAk Hegoafrikako Munduko Koparekin 3.200 milioi dolar (2.600 milioi euro inguru) irabaziko dituela. "Gure diru iturri bakarrenetakoa da", argitu dute FIFAtik.