Orain arte etxean jokatutako partida guztiak galdu ostean, zaleen aurrean irabazteko helburua zuen Anaitasunak gaurko neurketan, BM Guadalajararen aurka. Eta baita lortu ere. Neurketa parekatu baten ostean, azkenean, garaipena eskuratu ahal izan du Iruñeko taldeak.
Gogor ekin dio Anaitasunak lehiari, eta defentsa indartsu baten ondorioz baloiak berreskuratu eta 4 goletako tartea irekitzea lortu du kontraerasoan, partidaren lehen txanpan. Guadalajarak, ordea, ez du momentu batean ere amorerik eman, eta berdinduta mantendu da markagailua neurketa osoan zehar. Rochak (8 gol sartu ditu osotara), indarra eman die Guadalajarakoei, eta Almeida atezainak 18 geldialdi egin ditu neurketa osoan zehar.
Anaitasunak, ordea, Txokarroren gidaritza (6 gol sartu ditu) eta abiadura handiko jokaldiak baliatu ditu abantaila mantendu eta partida eskuratzeko. Azkenean, 25-22ko emaitzarekin irabazi dute iruindarrek, zaleei etxeko lehen garaipena eskainiz.
