Ibon Navarrok ez du jarraituko Laboral Kutxa Baskonia entrenatzen

SASKIBALOIA. Ofiziala egitea bakarrik falta zen, eta atzo egin zuen Laboral Kutxa Baskoniak: Ibon Navarrok ez du Gasteizko taldea entrenatzen jarraituko datorren denboraldian. Hala ere, baliteke Gasteiztarrak taldea ez uztea. Izan ere, klubak hiru sasoirako eskaintza egin dio taldearen barruan teknikari lanetan aritzeko. Navarrok egun batzuk eskatu ditu hausnartzeko. Navarrok ia sasoi osoa egin du taldea zuzentzen, azaro erdialdean ordezkatu baitzuen Marco Crespi italiarra.