Itxakok multzoko lehen postua ziurtatu zuen

ESKUBALOIA. Itxakok 27-31 irabazi zion herenegun Leipzigi, eta Txapeldunen Ligako multzoko lehen postua ziurtatu zuen. Itxakok lehen zatian ongi jokatu zuen (15-19) eta errentari eutsi zion bigarren zati osoan. Aguilarrek sei gol sartu zituen, eta Barbosak, bost. Itxakok larunbatean jokatuko du azken partida, Korvexen aurka, eta ez du deus ere jokoan izango.