Izeta aita-semeen marka ahalegina, bihar, Zarautzen

HARRI-JASOTZEA. Bihar harri-jasotze marka ahalegina izango da Zarauzko Urteta auzoan, eguerdian (Gipuzkoa). Hain zuzen ere, Iruretagoiena aita-semeek, Joxerramonek eta Odeik (Izeta II.a eta Izeta IV.a), 125 kiloko kuboarekin jardungo dute eta 100 jasoaldi egiteko saiakera egingo dute, txanda librean. Marka ahalegina ofiziala izango da, herri kirol federazioak kontrolatuko baitu.