Josetxo Urrutiaren marka ahalegina, gaur, Leitzan

HARRI-JASOTZEA. Josetxo Urrutiak marka ahalegina egingo du gaur 150 kiloko harri kubikoarekin, jaioterrian, Leitzan (Nafarroa), 17:30ean. 33 urteko harri-jasotzaileak bere pisuaren bikoitzeko harri kubikoa erabiliko du bost minutuko txanda batean. Urrutiak 2008an eta 2009an hartu zuen esku Harri Txikietako Euskadiko Txapelketan, eta seigarren sailkatu zen bi ekitaldietan.