Helvetia Anaitasunak Juan del Arco (Leganes, Espainia, 1991) fitxatu du datorren denboraldirako. Ezker alboan jokatzen du, eta Limoges (Frantzia) taldetik dator. Aurretik badu esperientziarik Asobal ligan, Granollersen eta Logroñon jokatua delako. Espainiako selekzioarekin ere aritu da, eta, 2016ko Europako Txapelketan, zilarrezko domina irabazi zuen.
Juan Dominguez entrenatzaileak honela definitu du Del Arco: "Oso konpletoa da, defentsan eta erasoan ondo moldatzen dena. Erasoan, lehen lerroko hiru postuetan joka dezake. Erabaki onak hartzen ditu, eta gutxitan okertzen da. Lasaitasuna emango digu. Gainera, esperientzia handia dauka".
