Kexarik gabe aukeratu dituzte Olaizola II.a-Beginok eta Xala-Beroizek igandeko finalerako pilotak. Erabat gustu ezberdinak dituzte pilotei dagokionez, eta agerian gelditu da gaur hori.
Barriolaren hutsunea izan dute guztiek mintzagai. Aimar Olaizolak bera finala astebetez atzeratzearen alde zegoela errepikatu du berriro. Beginok esan du Barriola ez aritzeak ez duela finala asko aldatzen, Beroiz oso une onean dagoelako. Xalak esan du finala atzeratzea beste norbaitek eskatu izan balu erabakia beste bat izango litzatekeela agian. Eta Beroizek nabarmendu du erronka gisa hartuko duela igandeko finala.
Eskuz Binakakoaren finala igandean jokatuko da Bilbon (18:00), astelehenean Bigarren Mailako buruzko burukoa aurkeztuko dute, eta asteartean Lehen Mailako buruz burukoa.
