'Kirol Haerria' jaialdia: euskal kirolaren festa handia

Igandea, hilaren 27a, egun handia izango da euskal kirolarentzat, euskal selekzioaren ofizialtasuna aldarrikatzeko Kirol Haerria jaialdia ospatuko dutelako. Donostiako Belodromoan izango da festa, 18:00etan hasita. Sarrera doakoa da.

Jaialdian arlo askotariko kirolariek parte hartzeaz gain bertsolariek, musikariek eta pailazoek ere euren tartea izango dute. Harri-jasotzaileek ekitaldiko une sinbolikoenean parte hartuko dute. Izan ere, Koldobika Jauregik egindako harria altxatuko dute.

1.800 kirolari inguruk bat egin dute Euskal Herria kontutan hartuz, kirola euskal herritar gisara egiteko aldarrikapenarekin.