Koikili: «Athleticen hartu nahi dut erretiroa»

ATHLETIC. Koikili Lertxundiri sasoi honen amaieran bukatzen zaio kontratua Athleticekin. Bere ordezkaria eta kluba hitz egiten ari dira, baina oraindik ez dago akordiorik. Koikilik, hala ere, argi du. «Nire bihotzeko kluba da Athletic. Hemen hartu nahi dut erretiroa». Bestalde, Iker Muniainez galdetuta, Koikilik aitortu zuen «pribilegioa» dela harekin jokatzea, baina azpimarratu zuen «lasai» utzi behar zaiola.