Bart hasi da NBAko denboraldia, eta Los Angeles Lakers iazko txapeldunak irabazi egin du lehen partidan, etxean: 99-92 Los Angeles Clippersen aurka. Neurketaren aurretik iaz titulua lortu izanaren saria jaso dute Lakerseko jokalariek eta entrenatzaileek: eraztuna.
Kobe Bryant hegala (33 puntu) eta Andrew Bynum pibota (26) izan dira etxeko taldeko onenak. Paul Gasol pibotak ezin izan du jokatu, giharretan min baitu.
Los Angeles Lakers 99 (32+27+17+23). Fisher (5), Bryant (33), Artest (10), Odom (16), Bynum (26); Vujacic, Farmar (4), Walton, Mbenga (2), Brown (1), Powell (2).
Los Angeles Clippers 92 (22+27+26+17): B. Davis (2), Gordon (21), Thornton (8), Camby (14), Kaman (18); Butler (6), R. Davis (3), Jordan, Smith (12), Telfair (8).
Jardunaldiko beste emaitzak
- Portland Trail Blazers 96 - Houston Rockets 87 (Travis Outlawk 23 puntu - Aaron Brooksek 19).
- Washington Wizards 102 - Dallas Mavericks 91 (Gilbert Arenasek 29 puntu - Dirk Nowitzkik 34).
- Boston Celtics 95 - Cleveland Cavaliers 89 (Paul Piercek 23 puntu eta 11 errebote - LeBron Jamesek 38 puntu).
Saskibaloia
Lakers txapeldunak irabaziz hasi du NBAko denboraldia
Iruzkinak
Ez dago iruzkinik
Ordenatu
