Lakersek aurrea hartu du Mendebaldeko finalean

SASKIBALOIA. Los Angeles Lakersek 128-107 irabazi zion herenegun gauean Phoenix Sunsi, NBAko Mendebaldeko finaleko lehen partidan. Suns 0-7 aurreratu zen markagailuan, baina Lamar Odom sartu zen kantxan, eta Lakers hobeto jokatzen hasi zen. Izarra, ordea, Bryant izan zen. 40 puntu sartu zituen, eta seigarrenez jarraian 30 baino gehiago.