Lehen aldiz sartu dizkiote lau gol Bravori Anoetan

REALA. Realeko jokalariek burumakur amaitu zuten herenegun Atletico Madrilen aurkako partida, tartean Claudio Bravok. Atezain txiletarrak inoiz ez zituen horrenbeste gol jaso Anoetan, ezta 2006-2007ko sasoian ere, Realak maila galdu zuen denboraldian, alegia. Orduan bi aldiz jaso zituen hiru gol etxean, Sevilla eta Zaragozaren aurka (1-3). Realak, berriz, bost urte baino gehiago zeramatzan etxean lau gol jaso gabe, 2004-2005eko denboraldian Vila-realek 0-4 irabazi zionetik. Orduan oso gaizki aritu ziren txuri-urdinak. Herenegun askoz hobeto aritu ziren, baina, hala ere, lau gol jaso zituzten.