Balentria egin zuen Albaniak Eurokopakoa azken faserako sailkatuta, baina errealitatera jaitsi du Suitzak. Bosgarren minuturako Scharrek egin du gola suitzarrentzat, eta gol hori nahikoa izan dute hiru puntuak lortzeko. Sufritu du hala ere, aukera argiak izan baititu bigarren zatian Albaniak markagailua berdintzeko. Bigarren zati osoan hamar jokalarirekin aritu da Albania, Cana kapitaina egotzi baitu epaileak 37. minutuan, bi txartel hori erakutsita.
A multzoan, beraz, hiruna punturekin daude Suitza eta Frantzia, eta punturik gabe Albania eta Errumania.
