Lehen Mailako lehen saioa

Gaur egin du Realak 2010-2011 denboraldiko aurreneko entrenamendua, Zubietan. Espainiako Lehen Mailara itzuli denetik lehen saioa izan da. Azkeneko hiru urteetan Bigarren A Mailan aritu ondoren, ekainean lortu zuen goiko kategoriara igotzea.

10:00etan ekin diote entrenamenduari, eta han izan dira orain arteko fitxaketak: Paco Sutil erdilaria eta Joseba Llorente aurrelaria. Claudio Bravo atezaina ez, Hegoafrikako Munduko Kopa dela-eta opor egun gehiago dituelako -Txilerekin aritu zen-. Antoine Griezmann ere ez da izan -Frantziako 19 urtez azpiko selekzioarekin da Europako Txapelketa jokatzen-. Reala B-ko bost lagun entrenatu dira lehen taldekoekin batera: Toño Ramirez, Liassine Cadamuro, Javier Ros, Asier Illarramendi, Alex Albistegi eta Borja Viguera.

Abuztuko azkeneko asteburuan hasiko da Lehen Mailako Liga -28-29koan-, baina oraindik ez dute egin jardunaldien zozketa; egunotan egingo dute.

Asteko entrenamenduak



- Astelehena: 10:00 eta 18:00.

- Asteartea: 9:00 eta 18:00.

- Asteazkena: 9:30.

- Osteguna: 9:00 eta 18:00.

- Ostirala: 9:00 eta 18:00.

- Larunbata: 9:30.

- Igandea: atsedena.