Li Na da emakumezkoen Roland Garroseko txapeldun berria, gaur Parisen finalean Francesca Shiavone iazko garailea 6-4 eta 7-6 gaindituta. Ordubete eta 48 minutu iraun du partidak.
Grand Slameko torneo bat bakarkakoan irabazi duen Txinako lehen tenislaria da Li Na.
Orain arte txapelketa txikiagoak lortuak zituen: Canton (2004), Gold Coast (2008), Birmingham (2010) eta Sydney (2011). Aurten Australiako Irekiko finalera sailkatu zen, baina Kim Clijsters nagusitu egin zitzaion.
Munduko sailkapenean laugarren postuan jarriko da orain.
Gizonezkoen finala bihar izango da: Nafael Nadal-Roger Federer.
