Meyerrek irabazi du Australian, eta lider jarri da

TXIRRINDULARITZA. Cameron Meyer australiarrak (Garmin Cervelo) irabazi zuen atzo Tour Down Under probako laugarren etapa. Iaz Munduko Pista Txapelketan hiru urre irabazi zituen txirrindulariak Thomas De Gendt belgikarrari (Vacansoleil) hartu zion aurre. Tropela, berriz, 24 segundora iritsi zen. Sailkapen nagusian, Meyer da lider berria. Hamar segundo ateratzen dizkio bigarren sailkatuari, Laurens ten Dam herbeheretarrari (Rabobank).